කටුගස්තොට පාලමේ එල්ලී පුද්ගලයෙකු මරුට

කටුගස්තොට පාලමේ කණුවක එල්ලී තරුණයෙකු ඊයේ (01) අලූයම මිය ගොස් තිබෙනවා. පොලිස් මාධ්‍ය ප‍්‍රකාශක කාර්යාලය සඳහන් කළේ මෙලෙස මිය ගොස් ඇත්තේ අවුරුදු 24ක් වයසැති කටුගස්තොට ප‍්‍රදේශයේ පදිංචි පුද්ගලයෙකු බවයි. මෙසේ මියගොස් ඇත්තේ ගරාජ්යක සේවය කරමින් සිටි අයෙකු බවද පැවසේ. පාලම උඩ යතුරු පැදියක් නවතා ඇතත් මිය ගිය අයට යතුරු පැදි ධාවනය කළ නොහැකි බව ඔහුගේ ඥාතීහු කියති.මෙය ඝාතනයක් ද නැතහොත් සිය දිවි නසා ගැනිමක් ද යන්න පිළිබඳව සෙවීමට කටුගස්තොට පොලිසිය පරික්ෂණ ආරම්භ කර තිබේ.