මූලිකව ඩොලර් මිලියන 20ක ආයෝජන මණ්ඩල ව්‍යාපෘතියක් යටතේ පසුගියදා අත්සන් තැබුණු මෙම ව්‍යාපෘතිය, පසුව ඇමරිකානු ඩොලර් මිලියන 320ක් දක්වා වැඩිකිරීමටයි යෝජනා වී තිබෙන්නේ
DFH-4 වර්ගයට අයත් මෙම චන්ද්‍රිකාව 2015 වසරේ අංශක 50ක් නැගෙනහිර අහසේ කක්ෂගත වීමට නියමිත අතර එමඟින් චන්ද්‍රිකාගත දුරකථන සේවා හා අන්තර්ජාල සේවාද ආරම්භ කිරීමටද අවස්ථාව ලැබෙනු ඇති.
මේ සඳහා යොදාගන්න්නා චන්ද්‍රිකාවේ නිර්මාණ සැලැස්ම, නිෂ්පාදන හා චන්ද්‍රිකාව කක්ෂගත කිරීම මෙන්ම මේ ආශ්‍රිත වෙළඳ පහසුකම් සලසාගැනීම සඳහා "සුප්‍රීම් සැට්" සමාගම විසින් "China Great Wall Industries Corporation" සමාගම හා "China Satellite Communication Corporation" සමාගම් සමඟ හවුල් ව්‍යාපාර ගිවිසුමකට එළඹ තිබේ.
"සුප්‍රීම් සැට්" සමාගමේ කළමණාකාර මනිවන්නන් මහතා පවසන්නේ මේ සඳහා විදුලි සංදේශ කොමිෂන් සභාව සමඟ ඒ සඳහා අනුමැතිය ගැනීමට සාකච්ජා කරමින් පවතින බවයි.
මෙම චන්ද්‍රිකාව ලංකාවට අයත් වුවද එය කක්ෂගත කෙරෙනුයේ ලංකාවේ සිට නොව චීනයේ චන්ද්‍රිකා ගුවන්ගත කිරීම් හා අභ්‍යාවකාශ මෙහෙයුම් මධ්‍යස්ථානයකිනි.
Posts
